HRW ta soki Senegal akan almajiranci

Shekara guda bayan da wata gobara ta yi sanadiyar mutuwar wasu Almajirai Takwas a kasar Senegal, hukumar kare hakkin bil’dama da Human Rights Watch tace mahukuntan kasar har yanzu sun kasa daukar matakin hukunci akan wadanda ke cin zarafin kananan yara a makarantun Allo ko tsangaya.

Wani almajiri dauke da kwanon baransa a kusa da babban Masallacin Touba a kasar Senegal AFP/File, Issouf Sanogo

Kungiyar tace akalla akwai kananan Yara sama da 30,000 a birnin Dakar da ake tilastawa yin Bara. Kuma tun lokacin da aka samu gobarar wuta a unguwar Medina a birnin Dakar, shugaba Macky Sally a sha alwashin daukar matakai.

Hukumar tace dubban yara ne malamansu ke tursasawa yin bara domin kawo na abinci amma gwamnatin kasar ta gaza daukar matakai akai.