Na’urar Kidayar Kuri’un zaben Malawi ta lalace

Na’urar da ake kidayar Kuri’u a kasar Malawi ta samu matsala a lokacin da aka fara kidayar kuri’un zaben shugaban kasa da aka gudanar a cikin wannan makon. Jami’an hukumar zaben sun koma yin amfani da Fax da sakon email wajen tattara sakamakon zaben.

Shugabar kasar Malawi, Joyce Banda tana kada kuri'arta a zaben da ta ke neman wa'adi na biyu. REUTERS/Eldson Chagara

Hukumar zaben tace za’a samu tsaikun fitar da sakamakon zaben da aka gudanar a ranar Talata saboda matsalar.

Zuwa yanzu kuma babu wani sakamako da aka fitar inda Shugaba mai ci Joyce Banda ke takara da Peter Mutharika dan uwa ga tsohon shugaban kasar.