Kotu ta yi watsi da karar Winnie Mandela

Kotu a kasar Afirka ta Kudu ta yi watsi da karar da Winnie Mandela tsohuwar matar Nelson Mandela ta shigar a gabanta inda take neman a ba ta gadon gidan marigayin.

Nelson Mandela AFP/Daniel Janin

Kotun wadda ta yi zama a garin Mathatha da ke Lardin Cap, ta ce gidan Mandela da ke garinsa na asali Qunu, ba mallakin Winnie ba ne, hukuncin da ya kawo karshen ja-ja-injar da ake yi tsakanin ‘yan uwan na Nelson Mandela.

Nelson Mandela ya shafe mafi yawa daga cikin kuruciyarsa a Qunu, bayan haihuwarsa, kuma koda bayan ya yi ritaya yana yawaita kai ziyara garin, kazalika a garin aka bine shi bayan mutuwarsa a shekarar 2013.

A Wasiyar da marigayin ya bari, ya damka ragamar gidansa a hannu iyalansa, sai dai Madikizela Mandela tsohuwar matar shi, ta dage kan cewa mallakarta ne gidan karkashin dokar tsarin ma’aurata, saboda an siya gidane kafin su rabu a shekarar 1989.

Mandela ya aure Winnie Madikizela ne a shekarar 1956 kana sun rabu a shekarar 1996.

A wata sanarwar da suka fitar iyalan Mandela sun bayana farin cikinsu da wannan hukunci, inda suke cewa yanzu zasu samu kwanciyar hankali.