Jam’iyyar Suu Kyi na kan gaba a zaben Myanmar

Wani Jigo a Jam’iyyar da ke mulkin kasar Myanmar ya ce sun sha mummunan kaye a hannun jam’iyar adawa ta Aung San Suu Kyi yayin da ake ci gaba da tattara sakamkon zaben kasar.

Aung San Suu Kyi shugabar Jam'iyar adawa ta LDP a Myanmar REUTERS/Jorge Silva

Sakamakon farko ya nuna cewar Jam’iyar Suu Kyi ta NLD ta lashe kujeru 49 daga cikin 54 da aka sanar, kuma jam’iyar na neman kashi 67 ne dan samun rinjaye a Majalisar.

Wani babban jami’in jam’iya mai mulki Kyi Win ya shaidawa kamfanin dillancin labaran Faransa cewar sun fadi kasa warwas a zaben.

An ruwaito Suu Kyi na bayyana fatar samun rinjaye a zaben da aka gudanar a ranar Lahadi.