Rasha zata hau kujerar na-ki akan Syria

Kasar Russia tace za ta hau kujerar na-ki idan kwamtin tsaro na Majalisar Dinkin Duniya ya zo tattaunawa, game da kudirin da ke nema a shigar da kasar Syria kara a gaban kotun hukunta manyan laifuka ta ICC. A cewar Jakadan Rasha da ke kwamitin, gabatar da rikicin na Syria a gaban kotun, zai raunana kokarin da ake yi na neman mafita ga rikicin siyasar kasar.

A yau Alhamis ne ake sa ran mambobin kwamitin tsaron na Majalisar Dinkin Duniya, za su kada kuri’ar amincewa ko akasin haka kan wannan kudiri, da kasar Faransa ta gabatar.