Palestinawa sun haramta raba aure cikin watan Ramadan

Shugaban Kotunan Islama dake Palestinu ya umarci Alkalan dake yankunan Palestinu da kada su kuskura su raba aure a tsawon wannan wata da musulmi ke azumi.

Shugaban Palestinawa Mahmoud Abbas AFP/Abbas Momani

Alkalin Mahmud Habash yace ganin yadda a shekarun baya ake samun yawaitan saki da salwancewar aure-aure ya sa shi gabatar da wannan umarni..

A cewar Alkalin a wannan lokaci na azumi ba’a rasa samun zafafan kalamai tsakanin iyalai, saboda haka ne ya zama dole a duba lamarin.