Majalisar Dattawan Amurka ta amince da sabuwar dokar rage haraji
Majalisar dattawan Amurka ta amince da sabuwar dokar rage haraji a kan manyan kamfanoni, daya daga cikin alkawurran da Donald Trump ya dau a lokacin yakin neman zabensa.
Wallafawa ranar:
Shirin ya nuna cewar za a ragewa kamfanoni kudaden da suke biya daga kashi 35 zuwa kashi 20.
Shugaba Trump ya bayyana shirin da ake amfani da shi da ya gada a matsayin wanda ya hana samun ci gaban tattalin arziki, inda ya bayyana na sa a matsayin gagarumin shirin jam’iyyar Republican.
Trump ya kuma bayyana shirin a matsayin wani juyin-juya halin da zai amfanar da matsakaitan ma’aikata a dai-dai lokacin da ake samun karuwar kamfanonin da suke kwarara zuwa Amurka.
Yan majalisar dattawa 51 ne suka amince da dokar yayin da 48 suka nuna rashin amincewa da shirin, wanda zai sa Amurka ta yi asarar sama da dala triliyan 1 da rabi sakamakon zaftaren haraji
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu