Lula, dake kurkuku ya janye daga takarar shugabncin Brazil

TSOHON Shugaban kasar Brazil Inacio Lula da Silva dake daure a gidan yari, ya janye shirin takarar san a sake neman shugabancin kasar kamar yadda hukumar zabe da kotu ta bada umurni, inda aka maye gurbin sa da mataimakin sa, Fernando haddad.

tsohon shugaban kasar Brazil Lula, a watan maris 2018, inda yanzu haka ke kurkuku yana bayyana aniyarsa ta tsayawa takarar shugabancin kasar REUTERS/Rodolfo Buhrer

Wani taron shugabannin Jam’iyyar ma’aikatar kasar da aka gudanar a birnin Curitiba ya amince da sauya dan takarar kafin wa’adin da hukumar zabe gindaya ya cika.

Daruruwan magoya bayan sa suka taru a kofar gidan yarin da ake tsare da tsohon shugaban, yayin da mataimakin nasa ya karanta wasikar da Lula ya rubuta wadda ke tabbatar da shi a matsayin dan takara.