Rasha ta daure Navalny kwanaki 30

Wata Kotun Rasha ta daure shugaban 'yan adawar kasar Alexie Navalny kwanaki 30 a gidan yari saboda samun sa da laifin shirya zanga- zangar adawa da gwamnati ba tare da izini ba. 

Shugaban 'yan adawar Rasha Alexeï Navalny REUTERS/Tatyana Makeyeva

Zanga-zangar ta jiya Litinin ita ce ta biyu mafi girma da Navalny ya kira a fadin Rasha domin adawa da gwamnatin kasar da ake zargi da laifukan cin hanci da rashawa.

Rahotanni sun ce, akalla mutane 1,500 'Yan Sanda suka kama lokacin gudanar da zanga-zangar.

Kasar Amurka ta bukaci gaggauta sakin wadanda aka kama.