Masu bincike a Faransa sun gano mutumen da ya taimakawa Cherrif a Strasbourg

Jami’an yaki da ta’addanci a Faransa sun ce nan gaba kadan zasu gurfanar da mutumin da ake zargin alaka da dan bindigar da ya kai hari kasuwar kirsimeti dake Strasbourg, inda ya kashe mutane 5 yanzu haka da kuma jikkata wasu a harin garin Strasbourg.

Shugaban Faransa Emmanuel Macron a lokacin da ya ziyarci kasuwar kirismeti a garin Strasbourg Jean-Francois Badias/Pool via REUTERS

Majiyar shari’ar kasar tace ana tuhumar mutumin da taimakawa Cherif Chekatt da bindigar da ya kai harin, wanda babban laifi ne a Faransa.

Yanzu haka an saki mutane 6 da aka tsare bayan harin, cikin su harda iyayen Cherif.

Faransawa da dama ne suka nuna damuwa tareda bukatar hukumomin kasar sun karfafa matakan tsaro.