Macron ya bukaci gaggauta mayar da Majalisar Turai Strasbourg

Shugaban Faransa Emmanuel Macron ya bukaci Majalisar dokokin Turai da ta koma muhallinta da ke birnin Strasbourg cikin kankanin lokaci, bayan mayar da zaman ta Brussels sakamakon barkewar cutar korona.

Shugaba Emmanuel Macron na Faransa. Lewis Joly / AFP

Yayinda ya ke jawabi ga dalibai a Lithuania, Macron ya ce muddin suka amince da cigaba da zaman Majalisar a Brussels toh an gama da su, domin kuwa nan da shekaru 10 masu zuwa komai zai koma Brussels, kuma hakan ya saba da manufar kungiyar Turai.

Shugaban Majalisar David Sassoli ya ce 'yan Majalisun ba za su koma Strasbourg ba a halin yanzu.