Manchester United da Barcelona sun fi Madrid kudi
Manchester United ta sha gaban Real Madrid a jerin kungiyoyin da suka fi samun kudi a duniya a kakar da ta gabata. Wannan ne karon farko da United ta karbe matsayin daga Real Madrid a shekaru 11 .
Wallafawa ranar: Chanzawa ranar:
Sakamakon binciken wanda Kamfanin Deloitte ya gudanar ya ce Manchester ta samu kudaden shiga ne da suka kai yuro miliyan 689 tsakanin kakar 2015 zuwa 16.
Yanzu Barcelona ce a matsayi na biyu, Real Madrid kuma ta dawo na uku ne a jerin kungiyoyin da suka fi kudi a bana.
Bayern Munich ce matsayi na hudu, sai Manchester City a matsayi na 5.
Sai dai kuma Barcelona da Real Madrid na iya karbe matsayin na farko a shekara mai zuwa saboda yadda Manchester United ba ta cikin kungiyoyin da ke buga gasar zakarun Turai a bana.
Jerin Kungiyoyin da suka fi kudi
#NEWSGRAPHIC Man United back at the top of the league: the money league 2015/16, that is @AFP pic.twitter.com/GlFjwVMkp5
— AFP news agency (@AFP) January 19, 2017
A karon farko Kungiyoyin Firimiya ta Ingila guda 8 ne suka shiga jerin teburin attajiran kungiyoyin 20 wadanda suka samu kudi da suka kai euro miliyan 172.
Arsenal na matsayi na 7, Chelsea a mastayi na 8, Liverpool a matsayi na 9, Tottenham a matsayi na 12, West Ham United a mastayi na 18, sai Leicester City a matsayi na 20.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu