Ronaldo na son barin Spain saboda haraji
Cristiano Ronaldo ya ce zai bar Real Madrid saboda baya son sake buga wasa a Spain sakamakon zarginsa da kaucewa biyan haraji kamar yadda wata jaridar a kasar Portugal ta ruwaito.
Wallafawa ranar: Chanzawa ranar:
Ronaldo ya shaidawa Real Madrid cewa yana son barin kungiyar kamar yadda kafar A Bola ta sunsuno daga wata majiya kusa da dan wasan.
Ana zargin Ronaldo da kaucewa biyan harajin kudi kusan fam miliyan 15, zargin gwarzon dan wasan na duniya ya musanta.
Masu gabatar da kara na zargin Ronaldo da amfani da wani kamfanin kasashen waje domin kaucewa biyan haraji a gwamnatin Spain.
A watan Nuwamban da ya gabata ne Ronaldo ya sanya hannu kan sabuwar kwangilar shekaru 5 inda zai ci gaba da murza leda a Madrid har zuwa 2021.
Messi ma ya fuskanci shari’a inda aka yanke masa hukuncin dauri a gidan da za a iya dakatarwa saboda kaucewa biyan haraji a Spain.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu