Marcelo ya sabunta yarjejeniya da Real Madrid

Mataimakin Kaftin din Real Madrid Marcelo, ya rattaba hannu kan yarjejeniyar tsawaita zamansa a kungiyar har zuwa shekara ta 2022.

Mataimakin Kaftin din Real Madrid Marcelo, yayinda alkalin wasa Alejandro Jose Hernandez ya bashi jan kati yayin wasansu da Levente. REUTERS/Susana Vera

Marcelo mai shekaru 29, ya shafe shekaru 11 a Madrid, kuma ya taimakawa kungiyar wajen lashe kofunan gasar zakarun nahiyar turai 3, da kuma kofunan gasar Laliga 4.

A jimlace Marcelo ya bugawa real Madrid wasanni 400 tun bayan shigarsa kungiyar a shekara ta 2006.

Sai dai a halin yanzu dan wasan ba zai bugawa Madrid wasannin la-liga har biyu a jere ba, saboda katin da aka bashi a wasan da suka tashi 1-1 tsakaninsu da Levente.