Fira Ministan India ya bai wa marasa galihu kyautar Shanu 200
Fira Ministan kasar India, Narendra Modi ya bai wa wasu masarasa galihu da ke zaune a kauyen Rweru a kasar Kenya kyautar Shanu 200.
Wallafawa ranar: Chanzawa ranar:
Modi ya bada wannan taimako ne yayin ziyarar da ya kai kasar ta Kenya a ranar Talata, kafin daga bisani ya tashi zuwa Afrika ta Kudu.
Kyautar Shanun ga marasa galihun ta karafafa wani shiri da kasar ta Kenya ta yi wa lakabi da Girinka, wanda ta kaddamar tun 2006, domin tallafa wa iyalan marasa karfi da Shanu, don bai wa ‘yaransu kanana damar samun isasshiyar madara.
Kalmar ‘Girinka’ a yaren Kenya na nufin ‘Ina yi maka fatan samun Shanu masu yawa’
Daga bisani Fira Ministan na India, ya bar Kenya zuwa Afrika ta Kudu, in da zai halarci taron tattalin arziki na 'BRICS' da ya kunshi kasashe biyar, da suka hada da China da Rasha da Brazil da Afrika ta Kudu da kuma India.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu