Mutane 36 suka mutu sakamakon ambaliya ruwa a Nijar

Majalisar dinkin Duniya ta ce akalla mutane 36 ne aka tabbatar da mutuwar su a Jamhuriyar Nijar sakamakon ambaliyar ruwan da aka samu a watan yuni,kuma akasarin su sun fito ne daga yankin arewacin kasar.

Wasu yankuna kasar Nijar da aka samu ambaliya RFIHAUSA/Awwal

Hukumar jinkai ta majalisar dinkin Duniya da ake kira OCHA ta bayyana cewa a watan yuni,mutane 130.468 ambaliyar ta shafa,inda ta lalata gidaje 7.212 da eka 8.162 na gonaki da kuma hallaka shanu 31.118.

Alkaluman hukumar sun ce ambaliyar tafi ta'adi a jihar Agadez,cibiyar kasuwanci da kuma zangon matafiya,inda ta shafi mutane 60.555.

Wasu yankunan da matalar ta shafa sun hada da Maradi,da Zinder da kuma Diffa.

Majalisar dinkin Duniya ta ce a bara mutane kusan 20 suka mutu a birnin Yameh,sakamakon ambaliyar da aka samu daga cikin mutane 56 da suka mutu sakamakon ambaliyar da ta shafi mutane 206.000.