Jam'iyyar ANC ta shirya tsaf domin tunkarar zaben yan Majalisu

A Afrika ta kudu jam’iyyar ANC da ta jima ana damawa da ita a fagen siyasar kasar a jiya asabar ta gabatar da da sabon tsari da ta shirya domin tunkarar zabukan yan majalisun kasar na watan Mayu.

Cyril Ramaphosa Shugaban Afrika ta kudu REUTERS/Rogan Ward

Shugaban kasar Cyril Ramaphosa da kan sa ne ya kaddamar da sabuwar tafiya domin tunkarar zabukan yan majalisu na watan Mayu na wannan shekara .

Shugaban ya bayyana fatan sa na samun goyan baya daga yan kasar don samun rijayen da ya dace a zauren Majalisa.

Jam’iyyar a yan shekaru da suka gabata ta fuskanci matsalloli da suka jibanci cin hanci da rashawa,wanda ya janyo korar wasu daga cikin ya’an jam’iyyar.