Amurka zata rungumi salon diflomasiya-Obama

Shugaba Barack Obama yace kasar Amurka zata rungumi salon diflomasiya sabanin yaki domin warware matsalolinta da kasashen duniya musamman batun mallakar makaman Nukiliya na Iran. A lokacin da ya ke gabatar da jawabi a zauren Majalisa, Shugaba Obama yace dole Amurka ta canza salo domin tunkarar barazanar da suke fuskanta a wannan zamanin.

Mataimakin shugaban Amurka, Joe Biden da kakakin Majalisar John Boehner a bayan Shugaba Barack Obama a lokacin da ya ke jawabi a zauren Majalisa REUTERS/Jonathan Ernst

Obama ya shaidawa Majalisa cewa sun yi kokarin karya shugabancin Kungiyar Al Qaeda amma kungiyar tana da rassa a Yemen da somnalia da Iraqi da Mali.

A cikin jawabinsa, Obama yace zai kalubalanci duk wani kudiri na karfafawa kasar Iran takunkumi domin samun sulhu da kasar.