Saudiyya ta daina fitar da rabin adadin manta a kasuwar duniya

Ministan albarkatun mai na kasar Saudiyya Yerima Abdul aziz bin Salman ya ce kasar za ta dakatar da rabin man da take fitarwa a rana sakamakon harin da ‘yan tawayen Huthi da ke kasar Yemen suka kai wa cibiyoyinta na mai da ke Abqaiq da kuma Khurais a safiyar jiya asabar.

Hayaki a sararin samaniya sakamakon hari kan cibiyar kamfanin mai na Aramco a Abqaiq Reuters

Ministan ya ce adadin man da kasar za ta daina fitarwa zai kai ganga milyan 5 da dubu 700 a rana.

Sakataren wajen Amurka Mike Pompeo ya zargi Iran a matsayinta na kasar da ke taimaka wa ‘yan tawayen na Huthi da hannu wajen kai wannan hari, yayin da a wata zantawa ta wayar tarho, shugaban Donald Trump ya ce Amurka za ta taimaka wa kasar ta Saudiyya domin kare cibiyoyinta na mai.