Shugaban Wagner na cikin Rasha - Lukashenko

Shugaban kasar Belarusse Alexandre Loukachenko  a ranar alhamis 6 ga watan Yili 2023  ya tabbatar cewa, har yanzu  shugaban gungun dakarun hayar kamfanin  Wagner, Evguéni Prigojine, na cikin kasar Rasha, duk da yarjejeniyar da aka cimma ta komawarsa a Biélorussie bayan tawayen da ya yi wanda bai cimma nasara ba na ranar 24 ga watan yunin da  ya gabata. Kamar yanna . sabanin tabbacin da  Alexandre Loukachenko ya bayar a ranar 27 ga watan yuni cewa Evguéni Prigojine na kasar Belarusse.

Shugaban Rasha , Vladimir Putin da na Belarus Alexandre Loukachenko. AP - Mikhail Klimentyev

A game da abinda ya shafi  Prigojine, yanzu haka yana a Saint-Pétersbourg. Baya cikin kasar Belarusse, kamar yadda shugaba  Loukachenko ya sanar wa wani taron manema labarai a alhamis din nan 6 ga watan Yuili.

A cewarsa, a halin yanzu su ma mayakan Wagner, na ci gaba da kasancewa a sansanoninsu, ba a kasar Belarusse ba.

A nata bangaren fadar shugabancin kasar Rasha  Kremlin, ta tabbatar da cewa ba ta zura ido a kan shugaban na Wagner. Kakakin fadar  Kremlin, Dmitri Peskov, ne ya sanar da manema labarai cewa, ba sa zura ido a kan kai da kawon da shugaban na Wagner ke yi a halin yanzu. Tare karin cewa, a wani sa’in,   shugaban Rasha Vladimir Poutine na tattaunawa sosai da takwaransa na Belarusse Alexandre Loukachenko kan zancen.