Austria za ta gina katanga saboda kwararar baki

Kasar Austria ta bayyana shirinta na gina katanga a iyakarta da Slovenia domin maganace kwararar baki, matakin da ake ganin ya saba wa dokar Schengen ta kasashen Turai.

'Yan gudun hijira a Nickelsdorf dake Autria (©Reuters)

Tuni wannan matakin ya gamu da mummunar suka daga sauran kasashen Turai, inda kakakin gwamnatin Jamus Steffen Seibert ke cewa ba sa jin za a magance matsalar bakin da ake fuskanta ta hanyar gina katanga.

Kungiyar kasashen Turai ta ce ba a sanar da ita shirin ba, amma kuma shugabanta Jean claude Juncker zai gana da shugaban gwamanatin kasar Werner Faymann.