Faransa za ta kawar da baki a Calais

Shugaban Faransa Francois Hollande, ya yi alkawarin kawar da bakin da ke samun mafaka a sansanin 'yan gudun hijira a Calais, sakamakon matsin lambar da yake ci gaba da fuskanta daga 'yan adawa.

Sansanin 'yan gudun hijira da ke Calais na Faransa REUTERS/Pascal Rossignol

Shugaban ya ce, daga nan zuwa karshen shekara, za a kawar da sansanin 'yan gudun hijirar da ke dauke da baki akalla  dubu 7 zuwa dubu 10.

Hollande ya ce, kasar za ta bude kofofinta ga masu neman mafaka muddin suka cika sharuddan da aka shata.