Faransa za ta tsawaita dokar ta baci saboda zabe

Gwamnatin Faransa ta sanar da shirinta na tsawaita dokar ta baci har zuwa bayan zaben da kasar za ta gudanar a shekara mai zuwa.

Faransa ta tsawaita dokar ta baci saboda zabe da kuma barazanar mayakan jihadi Reuters

Gwamnatin ta dauki matakin ne saboda karuwar barazanar hare-haren mayakan jihadi da kuma tabbatar da tsaro a lokacin gudanar da zaben.

A ranar Talata mai zuwa ne Majalisar Dokokin kasar za ta tafka muhawara kan tsawaita dokar, in da kuma Majalisar Dattawa za ta yi na ta zaman a ranar Alhamis don amince wa da matakin.

Faransa ta kafa dokar ce sakamakon harin da kungiyar IS ta kaddamar a birnin Parsi a bara, in da ta kashe mutane 130.