An Saki fitaccen Malamin Islama na Faransa Tariq Ramadan daga gidan kaso

Hukumomi a kasar Faransa sun saki fitaccen Malamin Islaman nan Tariq Ramadan daga gidan kaso, bayan tsare shi tun watan biyu na wannan shekara bisa zargin yiwa wasu mata biyu fyade a wasu lokutta chan baya.

Tariq Ramadan a Nantes a shekara ta 2010 rfi

A jiya Juma'a aka bada shi beli bayan da ya bada tabbacin cewa bashi da wani abin fargaba.

Dan shekaru 56, masani dan asalin kasar Switzerland da yak e hutu daga jami'ar Oxford inda yake koyarwa, ya musanta dukkan zargin da ake masa na yiwa wata nakasasshiya fyade a shekara ta 2009, da kuma wata macce ta biyu a shekara ta 2012.

Karkashin belin nasa da aka bayar zai ajiye jingine kudi da suka kai Euro dubu 300, sannan kuma ya ajiye takardan sa na fasfo.