Tsoho mai shekaru 101 ya yi ritaya daga tseren gudun Marathon

Fauja Singh, tsoho mai yawan shekaru 101 ya yi ritaya daga tseren gudun Marathon bayan ya haska a tseren gudun da aka gudanar a Hong Kong. Tsohon da ake kira da sunan Turbaned Tornado, ya yi gudun Kilomita 10 inda ya kwashe Sa’a daya da minti 32 da dakikoki 28 yana gudu a Hong Kong.

Dan wasan Marathon Fauja Singh a Hong Kong wanda ke da yawan shekaru 101 a Duniya REUTERS/Bobby Yip

“Zan tuna wannan rana, amma ba zan dai na yin gudu ba don bayar da agaji. Inji Mista Singh bayan kammala tseren gudun Marathon a Hong Kong.

A watan Afrilu ne Mista Singh zai cika shekaru 102 a Duniya.

A baya Tsohon ya yi gudun Kilomita 42 a tseren gudun Marathon da aka gudanar a London da Toronto da kuma New York.