Kungiyar Chelsea ta lashe gasar Premier - Mourinho
Mai horar da kungiyar kwallon kafa ta Manchester United Jose Mourinho ya ce tuni kungiyar Chelsea ta samu nasarar lashe kofin gasar Premier na kakar wasa ta bana.
Wallafawa ranar:
Mourinho ya ce idan aka yi la’akari da tazarar maki 8 da ke tsakanin Chelsea da mai biye da ita wato Manchester City, yayinda ya rage wasanni 13 a karkare gasar, hakan zai bawa tawagar Antonio Conte damar kwantar da hankali, domin neman lashe kofin FA na dai kasar ta Ingila.
A farkon watan Maris mai zuwa Manchester United da Chelsea zasu fafata a wasan kusa da kusa dana karshe, wato quarter finals kenan a neman cin kofin FA.
Chelsea ta samu kaiwa matakin ne bayan lallasa takwararta ta Wolves ta 2-0, yayinda Manchester United ta samu nasara kan Blackburn da 2-1.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu