Onana na tsaka mai wuya kan zabin zuwa AFCON ko ci gaba da Firimiya
Tsohon dan wasan Manchester United Eric Djemba-Djemba ya shawarci Andre Onana dake cikin tsaka mai wuya da ya yi tunani sosai kan makomarsa a bangren sana’arsa ta tamola.
Wallafawa ranar:
Andre Onana zai yanke shawarar ko ya rasa wani bangare na gasar Firimiyar Ingila don wakiltar kasarsa Kamaru a gasar cin kofin Afirka da Cote d’Ivoire zata karbi bakwanci a watan Janairu ko kuma ya ci gaba da wasa old trafford.
Mai tsaron ragar Indomitable Lions Onana na iya yin rasa wasannin United na sama da wata guda idan ya zabi zuwa gasar da za a yi a Ivory Coast.
Dan wasan mai shekaru 27, wanda ya kawo karshen ritayar sa na kasa da kasa a watan Satumba, bai takawa Club dinsa United abin a zo a gani ba, a kakar wasa ta bana, wanda hakan ya sa ta fice daga Turai da kuma rashin armashi a wasannin cikin gida.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu