Najeriya za ta wakilci Afrika a gasar kwallon yashi ta Duniya

Najeriya ta yi nasarar samun tikitin wakiltar nahiyar Afrika a gasar cin kofin duniya ta kwallon kan yashi da Paraguay za ta karbi bakunci a shekarar 2019.

Tawagar Najeriya ta kwallon kafar kan yashi, Supersand Eagles. Ripples Nigeria

Tawagar Najeriya ta Supersand Eagles, ta samu nasarar ce a wasan kusa da na karshe na gasar kwallon kan yashin ta Afrika, bayan lallasa mai masaukin baki Masar da kwallaye 7-6.

Najeriya wadda karo na 6 kenan za ta halarci gasar kofin duniyar kwallon yashin a 2019, a yanzu za ta yi dakon wanda zai nasara a wasan kusa da na karshen da za’a fafata tsakanin Senegal mai rike da kofin gasar ta nahiyar Afrika da kuma Morocco.