Matsayin APC da PDP game da dage ranar zaben Najeriya

Babbar Jam’iyyar adawa a Najeriya wato APC ta yi kakkausarar suka a game da matakin dage ranar gudanar da zaben shugabancin kasa da kuma na ‘yan Majalisun dokokin tarayya.  

Sabon katin dindin na hukumar Zabe a Najeriya Channels tv

A wata sanarwa da ya rabawa manema labarai jim kadan bayan da shugaban hukumar zaben ya tabbatar da haka, shugaban jam’iyyar ta Apc John Odigie Oyegun ya matakin a matsayin koma baya ga dimokuradiyyar Najeriya, to sai dai jam’iyyar ta yi kir aga al’ummar kasar da su kwantar da hankulansu, yana mai cewa an dage zaben ne amma ba ta yadda za a hana gudanar da shi a wani lokaci.

Ita kuwa jam’iyyar da ke mulkin kasar wato PDP ta yi lale marhabin ne da matakin jakuda ranar zaben da makwanni 6 kamar dai yadda shugaban hukumar zabe Farfesa Jega ya yi.