Amurka za ta karbi ‘yan gudun hijirar Syria dubu 10

Shugaban Amurka Barack Obama ya bayar da umurni kasar ta karbi ‘yan gudun hijirar Syria akalla dubu 10 amma sai a cikin shekara mai zuwa.

Shugaban kasar Amurka Barack Obama Reuters/路透社

Mai magana da yawun fadar shugaban na Amurka Josh Earnest ya ce za a karbi ‘yan gudun hijira 1500 a wannan shekara yayin da sauran dubu 10 za a ba su damar shiga Amurka a shekarar badi.

A kowace shekara dai Amurka na karbar baki daga kasashen da ke fama da rikici akalla dubu 70, to sai dai tana dari-darin karba ‘yan kasar ta Syria.