Paparoma ya soki masu fakewa da addini don aikata assha

Shugaban mabiya darikar Katolika ba duniya Paparoma Francis na daya ya ce bai dace ana amfani da addini a matsayin wani makami na haddasa tashin hankali a kasashen duniya ba.

Shugaban mabiya Katolika Paparoma Francis REUTERS/Alessandro Bianchi

A lokacin da ya ke jawabi a ziyarar da ya kai kasar Albania, jagoran na Vatican a duniya ya bayyana kasar Albania a matsayin wani madubi wajen zaman lafiya tsakanin mabiya addinai daban daban.

Paparoman ya ce babu wanda zai yi amfani da addini wajen kashe jama’a, abinda ya bayyana shi a matsayin babban laifi.