Limamin coci a Vatican zai yi zaman kaso na sama da shekaru 5 saboda rashawa

Wata kotu a Vatican ta yanke wanni babban limamin coci dan kasar Italiya hukuncin daurin shekaru 5 da  rabi a gidan kaso sakamakon samun sa da hannu a laifin almundahana da kudade.

Cardinal Giovanni Angelo Becciu, wanda aka kama da laifin almundahana. AFP/File

Angelo Becciu, mai shekaru 75, wanda tsohon mai bai wa Fafaroma Francis shawara ne, ya taba zama daga cikin wadanda ake ganin za su iya rike mukamin Fafaroma a Vatican, kuma shine limamin Katolika mafi girma da ya taba gurfana a kotun Vatican saboda aikata laifin da ya  shafi rashawa.

Becciu da wasu mutane tara sun gurfana a gaban kotun ne don kare kansu a kan badakalar sayar da kadarorin Vatican a Landan.