Ebola ta bulla a birnin Goma

Hukumomin Lafiya a Jamhuriyar Dimokiradiyar Congo sun sanar da cewa a karon farko an samu wanda ya kamu da cutar Ebola a Goma, birni na biyu mafi girma da ke kasar.

Wasu daga cikin ma'aikatan kungiyar bada agaji ta Red Cross, da ke taimakawa masu cutar Ebola a Jamhuriyar Congo. AFP/ISAAC KASAMANI

Ma’aikatar lafiyar tace wani Fasto ne ya kamu da cutar, kuma ana kyautata zaton ya dauke ta ne daga mutanen da yake mu’amala da su a coci.

Rahotanni sun ce an fara ganin alamun cutar a jikin Faston ranar Talatar da ta gabata a garin Butembo, daya daga cikin garuruwan da suka yi fama da cutar, kafin ya koma Goma a motar safa.

Hukumomin sun ce yanzu haka ana kula da fasinjoji 18 da direbar motar da ya dauke shi daag Butembo zuwa Goma.