Al'ummar Jamhuriyar Nijar sun yi bikin Sallah Karama
Yau al’ummar Jamhuriyar Nijar suka gudanar da Sallah Karama bayan sanar da ganin jinjirin watan Shawwal da mahukuntan kasar suka yi a jiya Litinin.
Wallafawa ranar:
Bayanai sun ce mahukuntan na Nijar sun tabbatar da ganin jinjirin watan na Shawwal ne a jihohi akalla biyar da ke fadin kasar, abinda ya sanya suka bayyana wannan Talata 9 ga watan Afrilu a matsayin ranar Sallah wadda tayi daidai da 1 ga watan Shawwal shekara ta 1445.
A yayin da Nijar ke bikin kammala Azumin watan Ramadana, akasarin kasashen Musulmi sun bayyana Laraba ne a matsayin ranar Sallar karama saboda rashin ganin jinjirin watan Shawwal a ranar Litinin.
Daga cikin kasashen da suka cika kwanaki 30 a watan na Ramadana akwai Saudiya, Yemen, Syria, Masar, Iraqi, Hadaddiyar Daular Larabawa, da Lebanon, da Yankin Falasdinu da kuma Najeriya.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu