Yankin Catalonia ya bijirewa haramta zaben raba gardama
Dubban magoya bayan ganin ballewar yankin Catalonia daga kasar Spain, sun fara kada kuri’ar raba gardama don tabbatar da burinsu.
Wallafawa ranar:
Sai dai a jami’an ‘yan sandan Spain sun kaddamar da samamen dakatar da kada kuri’ar, lamarin da ya haddasa arrangama tsakaninsu da wasu magoya bayan ballewar yankin na Catalonia.
Yayin kai samamen, ‘yan sandan, suna kwace baki dayan kayayyakin da suka tarar ne a rumfunan zaben.
Ko a jiya Asabar ‘yan sandan kasar sai da suka rufe rumfunan sama da 2000 a yankin na Catalonia.
Lamarin na zuwa bayanda shugabannin yankin Catalonia, ska sha alwashin gudanar da zaben raba garadamar neman ballewar yankin daga Spain, duk da haramta shi da gwamnatin kasar ta yi.
Rahotanni na cewa, tun a jiya a Asabar dubban mutanen yankin na Catalonia suka fara kafa layi a bakin makarantun da suka ayyana a matsayin rumfunan zaben.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu