Adadin mutanen da suka mutu a girgizar kasar Haiti ya haura dubu 2

Hukumomin kasar Haiti sun ce adadin mutanen da girgizar kasar da aka samu makon jiya ta kashe ya karu zuwa dubu 2 da 207.

Ma'aikatan agaji yayin aikin rabon abinci a garin Les Cayes da girgizar kasa ta afkawa a kasar Haiti, August 20, 2021. Reginald LOUISSAINT JR AFP/File

Hukumar bada agajin gaggawar kasar ta ce an gano wasu sabbin gawarwaki a kudancin kasar, yayin da har yanzu ake neman mutane 344 da suka bata kuma har yanzu ba a ji duriyar su ba.

Gwamnatin Haiti ta ce akalla mutane dubu 600 girgizar kasar ta makon jiya ta shafa.

Wata sabuwar barazana kuma da ma’aikatan agaji ke fuskanta a ita ce harin da gungun mutane zauna gari banza ke kai musu, abinda ya haifar da cikas ga aikin raba kayan agaji ga wadanda suka tsira daga iftila’in girgizar kasar.