Mutane fiye da dubu 50 sun kamu da Korona cikin kwana 1 a Faransa

Faransa ta sanar da samun karin adadin mutane fiye da dubu 50 da suka kamu da cutar Korona cikin sa'o'i 24.

Wani mutum yayin karbar maganin rigakafin cutar Korona na Pfizer a Saint jean de Luz, dake kudu maso yammacin Faransa, a cikin watan Nuwamban 2021. © AP Photo/Bob Edme

Alkaluman da ma’aikatar lafiyar kasar ta fitar a jiya Asabar sun nuna hauhawar masu kamuwa da Koronar, duk da yi wa miliyoyin ‘yan kasar allurar rigakafi.

A jiya Asabar din dai mutane dubu 51 da 624 aka gano sun kamu da cutar Korona a fasin Faransa cikin sa’o’i 24, adadin da ya zarce na dubu 41 da aka samu a makon da ya gabata.

Zuwa yanzu jumillar mutane dubu 119 da 457 annobar Korona ta kashe a Faransa, tun bayan barkewar cutar a kasar.