Sabon Bidiyo Boko Haram ,farfaganda ce- Kuka Sheka

Kakakin rundunar sojin Najeriya Brigadiya Janar Sani Usman Kuka Sheka ya bayyana sabon bidiyon da mayakan kungiyar Boko Haram suka fitar a matsayin Damisar takarda, tare da bukatar jama’a su yi watsi da barazanar da mayakan suka yi.

Wasu daga cikin mayakan Boko Haram sanye da kayan soja REUTERS/Zanah Mustapha

Cikin Bidiyon dai mayakan sun yi barazanar kai hare hare a birnin Abuja, tare da nuna wasu daga cikin ‘yan matan sakandaren Chibok 3 da har yazu ke hannunsu dauke da bindigogin AK 47, inda suma ke barazanar kai hare haren.
A cewar Birgediya Janar Kuka Sheka, mayakan sun rasa tudun dafawa ne, shi ya sa suke yin abinda ya kira da shure shure, wanda ya ce baya hana mutuwa.