DiCaprio ya lashe kyautar Oscar

A Karon farko fitaccen mai shirin fina-finan Hollywood Leonardo DiCaprio ya lashe kyautar Oscar wadanda suka yi fice a shirin fina finai bara, wanda shine irin sa na farko da ya samu tun bayan gabatar da sunan sa a cikin irin wannan gasa shekaru 22 da suka gabata.

Jarumin Fina-Finan Hollywood Leonardo DiCaprio daya lashe kyautar Oscar REUTERS/Mario Anzuoni

DiCaprio ya doke Bryan Cranston, Matt Damon, Michael Fassbender da Eddie Redmayne wajen lashe kyautar.

Bikin Oscar na bana ya gamu da suka kan yadda fararen fata kawai aka gabatar da sunan su dan samun kyautar, abinda ya janyo suka daga masu shirin fina-finan bakaken fata.