Wizkid ya lashe kyautar AMA a Amurka
Fitaccen mawakin Najeriya da ya shahara a salon wakar Afrobeat, Ayodeji Ibrahim Balogun da aka fi sani da Wizkid da kuma takwararsa ta kasar, Temilade Opaniyi da aka fi sani da Tems, sun sake daga martabar kasar a Iadon duniya, inda suka lashe lambar yabo ta AMA a Amurka.
Wallafawa ranar:
Wikzid ya kafa tarihi bayan ya doge Burna Boy da Ckay da Tems da Fireboy, inda ya zama mutun na farko da ya lashe kyautar a bangaren mawakan afrobeat a bana.
Tems ta yi nasara ce bayan an zabe ta a matsayin wadda ta fi nuna hakaza a bana a bangaren salon wakar R&B.
A karon farko kenan da Wizkid ke lashe wannan kyauta bayan da sau uku yana takarar lashe ta amma bai samu nasara ba, sai a bana.
A karo na 50 kenan da ake gudanar da bikin na AMA wanda aka gudanar a dakin taro na Microsoft Theatre da ke Los Angeles a Amurka a jiya Lahadi wanda sharararren mai gabatar da shirin talabijin Wayne Brady ya jagoranta.
Kyautar AMA dai, ita ce mafi girma a duniya wadda magoya baya ke zaben tauraronsu.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu