India za ta samar da alluran rigakafin Covid da dama zuwa kasashen Duniya

Kasar India a jiya asabar ta bakin wani jami’in kiwon lafiyar kasar,mai cewa kasar kam ta shirya yanzu na ganin ta fitar da kusan alluran  rigakafi da cutar Covid 19 milyan  takwas nan da karshen watan Oktoba mai kamawa.

Asibitin kulla da masu fama da cutar COVID 19 REUTERS - SHANNON STAPLETON

Wannan dai na daga cikin alkawuran da Firaministan kasar Narendra Modi ya yi a wani taro da ya hada kasashen  Amurka,Japan da Australia a birni Washington ranar juma’a da ta gabata.

allurar rigakafin cutar covid 19 LOUAI BESHARA AFP

Wadanan allurai za su isa  yankunan Asiya da Pacifik,yankunan dake ta kokarin ganin sun kare al’umar su daga kamuwa da wannan cuta.

Wasu daga cikin yan kasar Indiya dake karbar allurar Covid 19 AFP - SUJIT JAISWAL

Alluran  na Johnson&Johnson za samar da su a India a karkashin izinin wani kamfanin kasar ta Indiya mai suna  Biological-E a cewar Ministan harakokin wajen Indiya Harsh Vardhan Shringla,wanda a karshe ya ce yin haka daga India tareda goyan bayan Amurka zai rage kafin China a wannan tafiya na yaki da wannan cuta a wadanan yankuna.